ال habits ياخواننا ال habits !!

شوف يابرنس، اقرا كتب تنمية بشرية ، حط لنفسك اهداف خزعبلية ، شجع نفسك، وصل خالتك ... كله في الهجص!! امال ايه الكلام اللي عليه دفع الفلوس؟ الكلام الجد انك تاخد خطوات بسيطة وتحولها لعادات يومية . اي محاولة لتطوير نفسك بأي شكل من الأشكال مش حتنجح الا لما تتحول من "محاولة" الى "عادة". ال habits ياخواننا ال habits !! الhabit او العادة هو روتين معين بنقوم بتكراره بشكل دائم بغض النظر ان الهدف الاساسي اللي بدأنا الروتين ده علشانه اتحقق ولا لسة. مدام (س) بدأت من سنة تمشي كل يوم علشان الدكتور قال لها المشي كويس للتخسيس، بعد ما عدت سنة، مدام (س) لسة بتمشي كل يوم بانتظام، ولو سألتها خسيتي كام كيلو تقول لك مش مهم. انا اتعودت امشي كل يوم وماقدرش ابطل مشي.هنا مدام (س) بقت بتعمل شىء ومواظبة عليه لانها بتحبه، وما بقاش طمعانه في مكسب من وراه. مشكلتنا كلنا اننا بنحط اهداف طموحة جدا لكن ماعندناش القدرة على الاستمرارية في عمل شىء يخدم الاهداف دي على المدى الطويل، الا لو الشىء ده اتحول لعادة بغض النظر عن اهميته. وربنا ما يقطع لكم عادة #وخد_من_أخوك!